Шпанската легенда Давид Силва се враќа на фудбалот по речиси три години пауза. На 40 години поранешниот репрезентативец облекува нов дрес, овој пат далеку од големите европски сцени, во Хонг Конг.
Неговиот нов клуб е Суприм Шатин, кој настапува во највисокиот ранг на тамошниот фудбал. Клубот го потврди трансферот и соопшти дека Силва ставил потпис на краткорочен договор.
Колку точно ќе трае соработката засега останува непознато, бидејќи таа информација не беше откриена. Дебито на искусниот везист се очекува во текот на следниот месец.
Со тоа навивачите во Хонг Конг добиваат можност одблиску да видат еден од најзвучните фудбалери што некогаш стапнале на тамошните терени.
МК
