Дури дванаесет играчи од генерацијата што ја освои европската титула во Белград отворено одбиваат да настапуваат за националниот тим.
Причината не е спортска, туку е во врвот на федерацијата. Репрезентативците поставија јасен услов, нема да облечат државен дрес додека на чело на ватерполо сојузот седи Слободан Соро.
Задачата да се смири ситуацијата падна врз новиот селектор Владимир Вујасиновиќ.
Тој веќе разговараше со дел од ветераните, со надеж дека ќе ги врати на базенот, но првичните обиди останаа без резултат. Играчите не покажуваат никаков знак дека се подготвени да отстапат.
Клучни во овие разговори беа капитенот Никола Јакшиќ и Душан Мандиќ, еден од најблескавите ватерполисти на својата генерација. Двајцата му дале идентичен одговор на селекторот, ставот им е цврст и не планираат да го менуваат.
Со оглед на нивната тежина во соблекувалната, нивното „не“ практично значи дека и останатите остануваат настрана.
--- - [sport1] Хаос во Србија: Дури 12 репрезентативци одбија да играат за националниот тим!
