Шер Ндур вечерва потсети зошто со години се зборуваше за неговиот потенцијал. Младиот фудбалер на италијанската репрезентација до 21 година им постигна два гола на Полска, а едниот ќе се памети долго.

Среќата за спектакл дојде кога полскиот голман истрча далеку од својата врата. Ндур го забележа тоа во еден момент, подигна поглед и реши да проба нешто што ретко кому успева.

Удри од дури седумдесет метри, топката се спушти преку беспомошниот голман и заврши во мрежата.

За Ндур ова е повеќе од ефектен момент. Фудбалерот од средниот ред долго се носеше со товарот на етикетата „голем талент“, нешто што во кариерите на младите знае да тежи повеќе од кое било противничко одбранбено решение.

По период во кој неговото име поретко се споменуваше, тој полека се враќа таму каде што се очекуваше да биде. Неговата моментална пазарна вредност изнесува дваесет милиони евра, бројка што говори дека струката сè уште верува во неговиот раст.

Двата гола против Полска покажуваат две лица на истиот играч.

- [makfaks] (Видео) Големиот талент на италијанскиот фудбал постигна гол од 70 метри