Енцо Мареска за прв пат јавно проговори откако независната комисија на Премиер лигата го прогласи Манчестер Сити за виновен за дури 114 од вкупно 115 обвиненија за прекршување на финансиските правила.
„Разбирам зошто повеќето од вас се тука денес, но единственото нешто што можам да го кажам е она што веќе го кажав“, порача тој, повторувајќи дека има целосна доверба во луѓето кои го водат клубот.
Мареска остана смирен и кога се отворија најнеугодните прашања, оние за можните казни.
Оттаму и реченицата која најмногу одекна, дека веќе еднаш го освоил Чемпионшип и дека не би се плашел повторно да го стори тоа доколку се најде во таа ситуација.
Тој се осврна и на тврдењата дека трофеите освоени во изминатите години ја изгубиле вредноста поради финансиските неправилности.
Мареска категорично ги отфрли таквите оцени и застана зад сето она што клубот го постигнал на теренот. Пресудата сепак остава повеќе отворени прашања отколку одговори.
